काठमाडौं – चलचित्र ‘परी’ को निर्माण घोषणा गरिएको छ । आज (सोमवार) काठमाडौंमा आयोजित एक कार्यक्रममा फिल्मको औपचारिक घोषणा गरियो ।
फिल्ममा मुख्य कलाकारका रुपमा विपिन कार्की र सृष्टि खड्का रहनेछन् भने निर्देशन निशान काश्यम घिमिरेले गर्दैछन् । घिमिरेको यो पहिलो डेब्यु फिल्म निर्देशन भए पनि म्युजिक भिडियोमा भने उनको नाम परिचित छ ।
निर्माण टिमले चलचित्रको कथाका बारेमा भने केही खुलाएको छैन ।
बैशाखबाट छायांकन हुने भनिएको यो फिल्मको फ्लोरमा जानुपूर्व वर्कशप गरिने निर्माण टिमले बताएको छ । चलचित्रलाई रुपेशमान अमात्यले निर्माण गर्ने भएका छन् भने अन्य कलाकारको छनोट बाँकी छ ।
प्रतिक्रिया