काठमाडौँ : मोडल फरिता खड्का नायिका बन्ने धुनमा छिन् । पछिल्लो समय मोडलिङमा जमेकी उनी नायिका बन्ने सपना पालेर उदयपुरबाट काठमाडौँ आएकी हुन् ।

काठमाडौँमा झण्डै दशक संघर्ष पूरा गरेपछि उनी नायिका बन्ने सपना सफल हुने मनसाय राख्छिन् । म्युजिक भिडियोबाट राम्रै नोटिस भएकी उनी फिगर मेन्टेन गर्ने सक्ने मोडल हुन् ।

प्राय व्यवसायिक बन्न रुचाउने उनको स्वभाव विवादभन्दा पर रहने बानी छ । व्यवसायिक हिसाबले आफ्नो भूमिकालाई केन्द्रविन्दुमा राखेर मोडलिङमा राम्रै नाम कमाइरहेकी उनी आफूलाई अझ तिखार्न प्रयास पनि गरिरहेकी छन् ।

नृत्यमा पोख्त रहेकी फरिताका दर्जन बढी म्युजिक भिडियो छन् । जसमा ‘सल्ला घारी, छाडी गयौ, ब्युटीफुल तिमी‘, छ माया छपक्कै लगायत चर्चित छन् । पद्मकन्या क्याम्पसमा स्नातक पढिरहेकी उनी डान्सर पनि हुन् । थुप्रै फेशन शोमा र्‍याम्प गरेकी उनी चाँडै फिल्ममा देखिने योजना रहेको बताउँछिन् ।

‘म्युजिक भिडियो गरिरहेकी छु, अभिनयका लागि चाहिने सबै कुरा सिकिरहेकी छु’ उनले ब्युटिफूल पोज दिँदै भनिन्, ‘अब चाँडै फिल्ममा देखिने योजना छ । सायद छिट्टै पूरा पनि हुन्छ होला ।’

मोडल : फरिता खड्का

फेशन डिजाइनर : कुसुम श्रेष्ठ

मेकअप : मानसी खड्गी

ड्रेस : कुसुम द बुटिक