काठमाडौँ – ललितपुरको बालकुमारीमा भएको सवारी दुर्घटनामा एक जनाको मृत्यु भएको छ ।
कोटेश्वरबाट ग्वार्कोतर्फ जाँदै गरेको नम्बर नखुलेको जिपले सोही दिशातर्फ जाँदै गरेको बा ९७ प ३१४३ नम्बरको मोटरसाइकललाई गए राति १० बजे ठक्कर दिएको थियो ।
दुर्घटनामा गम्भीर घाइते भएका मोटरसाइकल चालक काठमाडौँको दक्षिणकाली नगरपालिका-८ का ३१ वर्षीय आषिश लामाको उपचारका क्रममा ग्वार्को स्थित बी एण्ड बी अस्पतालमा राति ११ बजे मृत्यु भएको हो ।
मोटरसाइकललाई ठक्कर दिएर जिपसहित फरार भएका चालकको खोजी भइरहेको प्रहरी प्रभाग इमाडोलले जनाएको छ ।
प्रतिक्रिया