टिपरको ठक्करले साइकलयात्रीको मृत्यु

१२ श्रावण २०७९, बिहिबार

पढ्न लाग्ने समय : < 1 मिनेट

सांकेतिक तस्बिर

झापा – पूर्वपश्चिम राजमार्गको कमल गाउँपालिका–५ स्थित गीता पेट्रोल पम्प अगाडि टिपरको ठक्करबाट एक साइकलयात्रीको मृत्यु भएको छ ।

जिल्ला प्रहरी कार्यालय झापाका सूचना अधिकारी बसन्त पाठकका अनुसार दुर्घटनामा सोही वडाका १७ वर्षीय सञ्जीव इम्सङ लिम्बूको मृत्यु भएको हो ।

पश्चिमबाट पूर्वतर्फ आउँदै गरेको बागमती प्रदेश–०३–००१प२१२ नम्बरको टिपरले बुधबार साँझ साइकलमा सवार लिम्बूलाई ठक्कर दिएको थियो ।

टिपर चालक मकवानपुरको चुरेमाई नगरपालिका–५ का ३१ वर्षीय सुजन बाइबालाई प्रहरीले नियन्त्रणमा लिइएको छ ।

प्रकाशित मिति : १२ श्रावण २०७९, बिहिबार ९ : २७ बजे

प्रतिक्रिया