काठमाडौँ- बलिउडमा ‘लभ बर्ड’ जोडी भनिने अभिनेता टाइगर श्राफ र अभिनेत्री दिशा पटानीको ६ वर्षदेखिको प्रेम सकिएको छ।

विगत एक वर्ष यता प्रेम जीवन विभिन्न उतारचढावको सामना गरेको यो जोडी केहि समय यता नै अलग भएको हिन्दुस्तान टाइम्सले लेखेको छ। सूत्रका अनुसार अब यी अलग भएका छन्। दुवैबीच के भयो त्यो स्पष्ट छैन, तर उनीहरु आफ्नो बाटो अलग गरिसकेका छन् ।

टाइगर र दिशाले आफूहरु बीच प्रेम रहेको स्वीकार नगरेता पनि सम्बन्ध हार्दिक थियो । फेस्टिभलहरुमा उनीहरु एकसाथ हुन्थे । दिशालाई टाइगरको घरमा धेरै फेस्टिभलमा देखिएको छ । दिशा विशेषत टाइगरको आमा र बहिनीसँग नजिक थिइन्।

हिन्दुस्तान टाईम्ससँग टाइगरका एक साथीले कुरा गर्दै यो विषयमा साता अगाडी मात्र जानकारी प्राप्त भएको बताएका छन्। ‘उनीहरुले आजसम्म यसबारे कसैसँग कुरा पनि गरेका छैनन्। अहिले टाइगर आफ्नो काममा फोकस छन्। दिशासँगको ब्रेकअपपछि उनी त्यति प्रभावित छैनन्’ टाइगरका साथीले भनेका छन्।