काठमाडौं – ‘ग्लोबल टी–२० क्यानडा’ लिगमा नेपाली राष्ट्रिय क्रिकेट टोलीका स्पिनर सन्दीप लामिछाने र सोमपाल कामी छनोट भएका छन् । बिहीबार भएको ड्राफ्टमा सन्दीप एसोसियट राउण्डबाट पहिलो चरणमै छनोट भएका थिए । मनोनयनमा परेका लामिछानेलाई टोरन्टो नेसनलले आफ्नो टिममा आवद्ध गरेको छ । यस्तै तीव्र गतिका बलर सोमपाल कामीलाई विनिपेग हक्सले टिममा अनुबन्ध गरेको छ ।

यो खेलबापत सन्दीपले ६० हजार अमेरिकी डलर पाउनेछन् । ड्राफ्टमा रहेका सोमपाललाई हक्सले न्युनतम ३ हजार अमेरीकी डलरमा अनुबन्ध गरेको हो ।

सोमपाल कामी नेपालबाट क्यानडा लिग खेल्ने सन्दीपपछि दोस्रो खेलाडी बनेका छन् ।

स्पिनर लामिछानेको टोलीमा भारतीय टिमका पुर्वक्रिकेटर युवराज सिंह समेत छन् । ग्लोबल टी-२० क्यानडा लिग आगामी जुलाई २५ देखि अगष्ट ११ सम्म चल्नेछ ।