काठमाडौँ- अभिनेता आमिर खानले आफ्नो क्यारेक्टरमा हलिउड अभिनेता टम ह्यान्क्सको झल्क देखाउने गरेका छन् । एउटा विषयलाई समातेर सशक्त फिल्म बनाउने शैली टमको छ । फरेस्ट गम्प, कास्ट अवे, क्याप्टेन फिलीप, द टर्मिनल लगायतका टमको फिल्मको फ्यान विश्वभर छन् । यिनै टमले अभिनय गरेको फिल्म ‘फरेस्ट गम्प’ लाई भारतमा आमिरले रिमेक गरेका हुन् ।

करीना कपूर खान को-स्टार रहेको फिल्म  ‘लाल सिंह चड्डा’ मा आमिरको बाल्य अवस्था देखि वृद्धासम्मको जीवन-यात्रा र बदलिँदो संसारलाई देखाइएको छ । एक सामान्य पुरुषको असाधारण यात्रा बोकेको फिल्मका निर्देशन अद्वैत चन्दन र स्क्रिन प्ले अतुल कुलकर्णीले गरेका छन् । टम ह्यान्क्सलाई देखाउने कोसिश गरिरहेका आमिरको फिल्मलाई विदेशमा हलिउड वितरण कम्पनी प्यारामाउन्टले वितरण गर्ने भएको छ । यो त्यही कम्पनी हो जसले ‘फरेस्ट गम्प’ निर्माण गरेको थियो ।

यो फिल्म अगस्ट ११ मा रिलिज हुँदैछ । प्यारामाउन्टका वितरण विभागका कार्यकारी निर्देशक मार्क विन्स्टकले खबर पुष्टि गर्दै भारती चरित्र र संस्कृति दुनियाँका दर्शक सामु प्रस्तुत गर्न आफूहरू उत्साहित रहेको बताएका छन् ।