काठमाडौँ- महिला यूरो २०२२ मा समुह सी अन्तर्गत आज २ खेल हुँदै छन् । बेलायतको सेलवेस्थित लेह स्पोर्ट्स भिलेजमा हुने खेलमा स्विडेन र पोर्चुगल आमने सामने हुनेछन् ।
पोर्चुगल पहिलो जितको खोजीमा रहेको छ भने स्विडेन दोस्रो जितको खोजीमा रहेको छ । शेफिल्डस्थित ब्रामल लेनमा हुने खेलमा नेदरल्याण्ड्स र स्विट्जरल्याण्ड भिड्दै छन् । स्विट्जरल्याण्ड पहिलो जितको खोजीमा छ भने नेदरल्याण्ड्स दोस्रो जित निकाल्न चाहन्छ । दुवै खेल नेपाली समयअनुसार राति पौने ९ बजे सुरु हुनेछ ।
समुह सीको तालिकामा स्विट्जरल्याण्ड र पोर्चुगल क्रमशः तालिकाको चौथो र तेस्रो स्थानमा छ । २ खेलबाट ४ अङ्क जोडेको स्विडेन र नेदरल्याण्ड्स क्रमशः दोस्रो र पहिलो स्थानमा रहेका छन् ।
प्रतिक्रिया