काठमाडौँ- मार्भल सिनेम्याटिक युनिभर्स अन्तर्गतको  हिरो थोरको नयाँ सिरिज ‘थोरः लभ एण्ड थण्डर’ ले बक्स अफिसमा राम्रो व्यापार गरिरहेको छ । फिल्मलाई लिएर फ्यानले राम्रो प्रतिक्रिया नदिएता पनि फिल्मको कमाई राम्रो छ । यद्यपि फ्यान भने उत्साहित छैनन् ।

मार्भलको पछिल्लो फिल्म डाक्टर स्ट्रेञ्ज र थोरलाई राम्रो प्रतिक्रिया प्राप्त छैन । फिल्ममा अभिनेता क्रिस हेम्सवर्थ थोरको भूमिकामा छन् । यो भूमिकालाई उनले निर्भाव गर्दै आइरहेका छन् । यस पटक लेडी थोरको रुपमा अभिनेत्री नटाली पोर्टम्यान आएकी छिन् ।

यी दुईले फिल्मको इभेन्टको क्रममा सुनाएको एउटा प्रसँग यतिबेला सोसल मिडियामा भाइरल झैँ छ । एक अन्तवार्ताको क्रममा पार्टम्यानले फिल्मको ‘किस सिन’को छायांकन अघि उनी भेगन भन्ने थाहा पाएर क्रिसले मासु नखाएको बताएकी छिन् । ‘क्रिसले थाहा पाएपछि आफ्नै स्वज्ञानले त्यस्तो गरेका हुन् । यसले मलाई सजिलो बनायो । किनकी म भेगन हुँ’ उनले भनिन् ।

‘किस सिनको सुटिङ गर्ने दिन क्रिसले बिहान मासु खाएनन् । म भेगन भएकाले उनले यस्तो कदम उठाएका थिए । जबकि उनी हरेक आधा घण्टामा मासु खान्छन् ’ पोर्टम्यानले बताइन । क्रिस फिटनेसको कारण आफ्नो डायटको ख्याल गर्छन् । भेगनहरु जनावरमाथि मानव अत्याचार उन्मुलन गर्ने उद्देश्यले यस्तो जीवनशैली अपनाउने गर्छन् । टाइका वाईटीटीद्वारा निर्देशित यस फिल्ममा क्रिस, नटाली, थम्पसनका क्रिश्चियन बेल, क्रिस प्य्राट, भिन डिजेल, डेभ बाटिस्टा, करेन गिलान, पोम क्लेमेन्टिफ र ब्राडली कूपर पनि मुख्य भूमिकामा छन् ।