काठमाडौं – निर्देशक प्रदीप भट्टराई पछिल्लो समयका खुबै व्यस्त निर्देशकमा पर्छन् । उनले निर्देशन गरेका ३ फिल्म जात्रा, शत्रु गते र जात्रै जात्रा व्यावसायिक रुपमा सफल भएपछि भट्टराई यतिबेला मख्ख छन् । भट्टराईले तीनै फिल्मबाट तारिफ पाएका छन् भने व्यावसायिक रुपमा सफल चलचित्र बनाउने निर्देशकमा उनले ह्याट्रिक गरेका छन् ।

तीनै सफल चलचित्र बनाउनुको फाइदा निर्देशक भट्टराईलाई त भएको छ नै । त्यो बाहेक फिल्म ‘जात्रै जात्रा’ लाई पनि परेको छ । सफल फिल्म निर्देशन गरेको क्रेडिट पाएसँगै यो फिल्म छैठौँ हप्तामा चलिरहेको छ । अझै यो फिल्मले प्रतिक्रिया पाउने क्रम जारी छ । नेपालसहित अस्ट्रेलियाका नेपालीबीच पनि प्रदर्शन भएको यो फिल्मले अस्ट्रेलियामा समेत राम्रो प्रतिक्रिया पाएको छ ।

विपिन कार्की, वर्षा राउत, रविन्द्र झा, रविन्द्रसिंह बानियाँ, दयाहाङ राई लगायतका कलाकारको शीर्ष भूमिका रहेको यो फिल्ममा कमेडी जानरामा निर्माण भएको हो । यसअघि पनि कमेडी ‘सेन्स’ सहितका फिल्म निर्देशन गरेका भट्टराईले फिल्मबाट प्रर्याप्त चर्चा पाइरहेका छन् ।

अर्कातिर उनले सफल फिल्ममा गरेको ह्याट्रिकका कारण पनि चर्चामा छन् । भोलिका दिनमा कस्ता फिल्म निर्देशन गर्छन् र आफ्नो क्रेज कसरी जोगाउँछन् भन्ने एउटा कुरा हो, अहिले भने उनी पछिल्लो सयमका उत्कृष्ट फिल्म निर्देशक बन्न सफल भएका छन् । त्यो पक्का हो ।