काठमाडौं – आयुष्मान देशराज जोशी र शिल्पा मास्केको शीर्ष भूमिका रहेको फिल्म ‘सानो मन’ को ट्रेलर सार्वजनिक गरिएको छ । ट्रेलरलाई युट्युबमार्फत सार्वजनिक गरिएको हो ।

सुयोग गुरुङले निर्देशन गरेको यो ट्रेलरमा प्रेम र रोमान्सलाई प्रस्तुत गरिएको छ । ट्रेलर हेर्दा आकर्षक लाग्छ । लभस्टोरीलाई व्यावसायिक बनाउन खोजिएको फिल्मको ट्रेलरले सकारात्मक प्रतिक्रिया पाइरहेको छ ।

गौरी मल्ल, विशाल पहारी, शिशिर वाङदेल, रश्मी भट्टलगायतका कलाकारहरुको समेत अभिनय रहेको यो फिल्ममा ओ.पि.जी फिल्मस्, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा निर्माण भएको हो । सुयोग गुरुङ र मिलन श्रेष्ठको सम्पादन रहेको फिल्मको भिएफएक्स नगेश कँडेलले गरेका छन् । यस्तै फिल्ममा समिर सुनवार र निर्देशक गुरुङले लेखेका हुन् भने फिल्मलाई आलोक शुक्लाको छायांकन देख्न सकिन्छ ।

थाइल्याण्डको पतायामा समेत छायांकन गरिएको यो फिल्म नेपालमा भैरहवा, काठमाडौं लगायतका स्थानमा खिचिएको हो । योगेश गुरुङ‌‌, राजीव श्रेष्ठ, रमेश के. मित्तल र राजेन्द्र मानन्धरले निर्माण गरेको फिल्मले असार २० गतेलाई रिलिज मिति तोकेको छ ।