काठमाडौँ- दीपेन्द्र लामा निर्देशित फिल्म ‘दुई नम्बरी’ आउँदो तिहारमा प्रदर्शनमा आउने भएको छ । निर्माण पक्षले फस्टलुक सहित पोस्टर सार्वजनिक गर्दै रिलिज कन्फर्म गरेको हो ।

सार्वजनिक एक पोस्टरमा फिल्मका लिड कास्ट दयाहाङ राई र सौगात मल्ल मात्र फिचर्ड छन् । यसको अर्को पोस्टरमा दया र सौगातसँगै उपासना सिंह ठकुरी , बुद्धि तामाङ्ग र डेब्यु नायिका उगेन छोदेन छिन् ।

दुई मित्रको कथा समेटिएको यो फिल्म कार्तिक ४ गते प्रदर्शन तय गरिएको हो । रोहित कट्टेल र सरोज नेपालीले निर्माण गरेको यो फिल्ममा रत्न श्रेष्ठ कार्यकारी निर्माता छन् भने किरण नेपाली प्रस्तुतकर्ता छन् ।

समीक्षक हुँदै लेखक र निर्देशक बनेका लामाको यो चौथो निर्देशित फिल्म हो । यस अगाडी उनले घामपानी , गोपी र छ माया छपक्कै निर्देशन गरिसकेका छन् ।