काठमाडौँ- दक्षिणपूर्वी एसियाली मुलुक मलेसियामा गएको २४ घन्टामा २ हजार ३३ जनामा कोरोना सङ्क्रमण देखा परेको छ । मलेसियामा बाहिरबाट आएकामा नभएर देशभित्रै यी सङ्क्रमितहरु भेटिएको स्थानीय स्वास्थ्य अधिकारीहरुले जानकारी दिएका छन् ।

अधिकारीका अनुसार थ्यहाँ गएको २४ घन्टामा मात्र कोरोना भाइरसको सङ्क्रमणबाट पाँच जनाको ज्यान गएको छ । अहिलेसम्ममा मलेसियामा कोरोना भाइरसको सङ्क्रमणबाट ३५ हजार ७३० जनाको ज्यान गएको बताइएको छ ।

मलेसियाका स्वास्थ्य अधिकारीहरुले अहिले करिब २५ हजार जनाजति सक्रिय संक्रमितहरु रहेका छन् । तीमध्ये केही व्यक्ति आइसियुमा रहेका बताइएको छ ।

तर पछिल्ला केही हप्ता यता भने त्यहाँ कोभिड संक्रमितहरुको संख्या घटेको देखिएको चिनियाँ समाचार संस्था सिन्ह्वाले जनाएको छ ।