बाँके- बाँकेको नेपालगंजस्थित जमुनाह नाकाबाट लागु आषैधसहित ५ जना पक्राउ परेका छन् ।
भारतबाट नेपाल तर्फ आउदै गरेका उनिहरुलाई जमुनाह नाकामा चेकजाँच गर्ने क्रममा प्रहरीले पक्राउ गरेको हो । पक्राउ पर्नेमा दाङको लमही नगरपालिका ५ बस्ने सोनु श्रेष्ठ र २० वर्षिय बिशाल कुंवर छन् । उनिहरुले गुडियाको भित्र लुकाई ल्याएको ७ ग्राम लागु औषध ब्राउन सुगर जस्तो देखिने ९खैरो धुलो पदार्थ० सहित नियन्त्रणमा लिएको प्रहरीले जनाएको छ ।
गोप्य सूचनाको आधारमा ईलाका प्रहरी कार्यालय जमुनाह र लागू औषध नियन्त्रण ब्युरो नेपालगंजबाट खटिएको संयुक्त प्रहरी टोलीले पक्राउ गरेको हो । साथै लमही नगरपालिका-५ बस्ने २१ वर्षिय दिवस डाँगी र १७(१७ वर्षका अन्य दुई जनालाई पनि प्रहरीले पक्राउ गरेको छ । उनिहरुको परिचय भने प्रहरीले खुलाएको छैन ।
चेकजाँचको क्रममा दिवस डाँगीले कालो झोलामा लुकाई छिपाई राखेको सेतो प्लास्टिकको पोकामा १८ वटा पुडियामा १७ ग्राम खैरो हिरोइन (ब्राउन सुगर) जस्तो देखिने धुलो पदार्थ सहित ३ जनालाई नियन्त्रणमा लिई थप अनुसन्धान गरिरहेको जिल्ला प्रहरी कार्यालय बाँकेले जानकारी दिएको छ ।
प्रतिक्रिया