काठमाडौँ– दक्षिण भारतीय फिल्म उद्योगमा लेडी सुपरस्टारको ट्याग पाएकी नयनतारा विवाह बन्धनमा बाँधिएकी छिन् । उनको विवाह निर्देशक विग्नेश सिवानसँग बिहिबारै भएको हो । केही समय यता प्रेममा रहेका दुईले अन्तत विवाह गरेका हुन् । नयनतारा र विग्नेशको विवाह समारोह चेन्नई नजिकैको महाबलीपुरमको रिसोर्टमा आयोजना भएको थियो । विवाहमा सहभागी हुन शाहरुख खान, अजित कुमार, सुरिया लगायत धेरै सेलिब्रेटी पुगेका थिए ।

नयनतारा र विग्नेशको पहिलो पटक फिल्म सेटमा भेट भएको थियो । जुन फिल्मका निर्देशक विग्नेश नै थिए । पहिलो भेटबाटै दुबै नजिक भएका थिए । ६ वर्षको डेटपछि उनीहरूले २५ मार्च २०२१ मा इन्गेजमेन्ट गरेका थिए । नयनतारा र विग्नेशलेसँगै काम गरेको फिल्म ‘कठुवाकुला रेन्दुकढल’ गत २८ अप्रिलमा रिलिज भएको थियो ।