जन्ती लिएर जाँदै गरेको बस दुर्घटना, १९ जना घाइते

२५ जेष्ठ २०७९, बुधबार

पढ्न लाग्ने समय : < 1 मिनेट

चितवन– चितवनको रत्ननगरमा दुलही लिएर जाँदै गरेको जन्ती बस दुर्घटना हुँदा १९ जना घाइते भएका छन् ।

रत्ननगरको निपनीको हरिहर मन्दिरबाट जन्ती लिएर बडगाउँ जाँदै गरेको ना ५ ख ६४३ नम्बरको बस टाँडीको लोरीघोलमा दुर्घटनामा परेको हो ।

प्रहरीका अनुसार दुर्घटनामा परी चालकसहित १९ जना घाइते भएका हुन् । उक्त बसमा ३० जना सवार रहेको जनाइएको छ ।

प्रहरीले बस चालकलाई नियन्त्रणमा लिएको छ । सामान्य घाइते भएका बस चालक रमेश शिवाकोटीलाई नियन्त्रणमा लिएर प्रहरीले सोधपुछ गरिरहेको छ ।

प्रकाशित मिति : २५ जेष्ठ २०७९, बुधबार १० : ५९ बजे

प्रतिक्रिया