काठमाडौं – सरकार समेतको लगानी रहेको नेपाल दूरसञ्चार कम्पनी (नेपाल टेलिकम-एनटीसी)ले गत आर्थिक वर्षको मुनाफाबाट शेयरधनीलाई ३० प्रतिशत नगद लाभांश दिने भएको छ ।
शनिबार बसेको कम्पनी सञ्चालक समिति बैठकले आर्थिक वर्ष २०८०/०८१ को मुनाफाबाट शेयरधनीलाई ३० प्रतिशत नगद लाभांश दिने निर्णय गरेको हो । पुस २८ मा बस्ने कम्पनीको साधारण सभाले अर्थ मन्त्रालयको स्वीकृतिमा प्रस्तावित लाभांश पारित गर्नेछ ।
पुस १७ गतेसम्म कायम एनटीसीका शेयरधनीले आफूसँग रहेको प्रतिकित्ता शेयर बराबर ३० रुपैयाँका दरले लाभांश पाउनेछन् । लाभांश प्रयोजनका लागि पुस १८ देखि २७ गतेसम्म एनटीसीको बुकक्लोज हुनेछ ।
प्रतिक्रिया