काठमाडौँ– पछिल्लो समय अभिनेता आर्यन सिग्देल भिडियोमै व्यस्त छन् । फिल्ममा अभिनय कम गरेपछि आर्यनले भिडियोमा अभिनय बढाएका हुन् । उनले पछिल्लो समय एकपछि अर्को भिडियो गरिरहेका छन् । यसैक्रममा उनी पछिल्लो समय एक भिडियोमा नायिका रुविना थापासँग देखिएका छन् । यो जोडी फिल्ममा नआएता पनि भिडियोमा देखिएको हो । डीपी खनाल र साडु खनालको शब्द रहेको गीतमा रविन लिम्बुको स्वर, शंकर थापा  ‘स्माइल’ को संगीत छ ।

आफ्नी मायालुसँग टाढा भएको एक प्रेमीले आफ्नी प्रेमिकालाई सम्झिएर यो गीत गाएका हुन् । हिमाल श्रेष्ठको छायांकन, सुरेश पाण्डेको कोरियोग्राफी, सौरभ लामाको डीओपी र निर्देशन, अर्जुन जीसीको सम्पादन यो भिडियोमा छ । छायाँकार सौरभ लामाको निर्देशनमा ‘मेरी सानी’ बोलको गीतको म्युजिक भिडियो तयार भएको हो ।