काठमाडौं- मोबाइलमा ‘१० ग्राम सुन पाउने ‘बम्पर अफर’ सम्बन्धी एसएमएस आएमा नखोल्न नेपाल दूरसञ्चार प्राधिकरणले सतर्क गराएको छ ।
‘२० रुपैयाँमै १० ग्राम सुन जित्ने अवसर’ भन्दै लिंक खोल्न अनुरोध गरेर एसएमएस पठाइने गरेकोबारे अनुसन्धान गरिरहेको प्राधिकरणले सुचना जारी गरी जानकारी दिएको छ । पछिल्ला केही दिनयता नेपाल टेलिकमका मोबाइल नम्बरहरूमा यस्ता फर्जी एसएमएस आइरहेको गुनासो आएपछि प्राधिकरणले अनुसन्धान थालेको जनाएको छ ।
यस्ता एसएमएस आएमा तिनमा दिइएको लिंक नखोल्न प्राधिकरणले अनुरोध गरेको छ । प्राधिकरणले आफ्नो वेबसाइटमा जारी गरेको सूचनामा कतिलाई यस्तो एमएमएस गयो, कतिले लिंक खोल्नुभयो, कसले पठाएको भनी अनुसन्धान गरिरहेको जनाएको छ ।
प्रतिक्रिया