काठमाडौं-काठमाडौं महानगरपालिकामा नेकपा (एमाले) तर्फबाट उपमेयर पदमा उम्मेदवारी दिएका सुनिता डंगोल झण्डै तेब्बर मत ल्याएर विजयी भएकी छिन् ।

डंगोलले ६८६१२ मत ल्याउँदा उनका निकटतम प्रतिद्वन्द्वी नेकपा (एकीकृत समाजवादीं) का रामेश्वर श्रेष्ठले डंगोलको भन्दा झण्डै एक तिहाइ अर्थात् केबल २३८०५ मत मात्र ल्याउन सफल भए ।

तेस्रो स्थानमा रहेकी स्वतन्त्र उम्मेदवार विद्या श्रेष्ठले १३६१५ मत पाइन् । त्यस्तै, चौथो स्थानमा आएकी राष्ट्रिय प्रजातन्त्र पार्टी राप्रपाकी विनिता मगैयाले १२१४१ मत प्राप्त गरिन् ।

काठमाडौँ महानगरमा गत बैशाख ३० गते सम्पन्न स्थानीय तहको निर्वाचनको मतगणना सकिएको छ । यसअघि नै मेयरमा स्वतन्त्र उम्मेदवार बालेन साह र उपमेयरतर्फ सुनिता डंगोल विजयी भइसकेका छन् ।

यद्यपि काठमाडौंको औपचारिक मत परिणाम भने शुक्रबारमात्र आउने जनाइएको छ ।