काठमाडौं– पश्चिम अफ्रिकी मुलुक बुर्किना फासोस्थित एक खानीमा बेपत्ता भएका चार जना कामदारको शव फेला परेको उद्धारकर्ताहरूले जानकारी दिएका छन् ।

बेपत्ता कामदारको शव फेला परेकोबारे उद्धारकर्ताहरुले जानकारी दिएको बुर्किना फासोको सरकारले पुष्टि गरेको छ । गत १६ अप्रिलमा आएको बाढीमा परी बेपत्ता भएका आठ कामदारहरूमध्ये चार जनाको शव फेला परेको हो ।

राजधानी शहर वागाडुगुण्बाट करिब १०० किलोमिटर पश्चिममा पर्ने पेर्कोआ क्षेत्रस्थित क्यानाडाको ट्रेवाली माइनिङको स्वामित्वमा रहेको जस्ता खानीमा दुर्घटना भएको थियो ।

बेपत्ता हुनेमा छ जना बुर्किनाबे नागरिक, एक जाम्बियन र एक तान्जानियाली नागरिक रहेको जनाइएको छ । उनीहरु सात सय मिटरमुनि हराएका थिए ।

दुर्भाग्यवश, ३९ दिनको गहन खोजीपछि, चार खानी कामदार निर्जीव शव फेला परेका सरकारी प्रवक्ता लियोनेल बिल्गोले एक विज्ञप्तिमार्फत जानकारी दिएका छन् ।