काठमाडौँ– भदौ ३ गतेलाई प्रदर्शन मिति तोकेको फिल्म ‘प्रेमगन्ज’ ले गीत सार्वजनिक गरेको छ । 

सार्वजनिक गीत ‘तस्बिर’ मा बेनिशा हमाल फिचर्ड छिन् । पुरुषोत्तम ढुंगेलको शब्द, किरण भुषालको संगीत रहेको गीतमा दीक्षा थापा र सुरज शाही ठकुरीको स्वर रहेको छ । द वाइल्ड रिपज क्रुको कोरियोग्राफी रहेको गीतमा बेनिशालाई ग्ल्यामर अवतारमा प्रस्तुत गरिएको छ । गीतलाई सञ्जय लामाले खिचेका हुन् । 

फिल्ममा बेनिशा हमाल, सम्पदा बानियाँ, पवन भट्टराई, सुप्रिया खनाल, राइडर प्रशान्त, सिमरन खड्का आदि कलाकारको अभिनय रहेको छ । यस्तै, फिल्ममा नरेश पौडेल, रश्मि भट्ट, सन्जोग रसाइली, गीता अधिकारीको पनि अभिनय देख्न सकिन्छ । अनन्तमान श्रेष्ठ कार्यकारी निर्माता रहेको फिल्मलाई परिच्छेद सेनले नै लेखेका हुन् । 

स्पट व्यायका रुपमा लामो समय काम गरेका राजु फुँयालको प्रस्तुति रहेको फिल्म चलचित्र चौतारीको ब्यानरमा बनेको हो । यस फिल्मका कार्यकारी निर्माता अनन्तमान श्रेष्ठ हुन् ।