काठमाडौँ– कोरोना भाइरसको महामारी पश्चात ओटीटीमा दर्शक बढे । लगानी पनि त्यही अनुसार ओटीटीमा थपियो । नयाँनयाँ कन्टेन आउन थालेपछि दर्शक पुनः हलमा आउने हो कि होइनन् भन्ने बहस नै भयो । किनकी दर्शकलाई आफ्नो समय अनुसार फिल्म हेर्ने बानी लागिसकेको थियो । 

साथै, हलमा आएको  केही समयमै प्रतीक्षित फिल्म पनि ओटीटीमा आउन थाले । यसले गर्दा कोरोना भाइरसको महामारी पश्चात हलको भविष्य के होला रु भन्ने चर्चा धेरै नै भयो ।

यद्यपि प्रदर्शनमा आएका केही फिल्मले त्यो चिन्ता हटाए । स्पाइडर म्यान : नो वे होम , जेम्स बोन्ड : नो टाइम टु डाइ जस्ता फिल्मले दर्शकलाई हलमा ल्याउन सफल भए । 

यही दौडमा डाक्टर स्ट्रेन्ज : मल्टीभर्स अफ म्याडनेस पनि अगाडि आएको छ । महामारीपछि बक्स अफिसमा कमाउने फिल्मको लिस्टमा यो दोस्रो स्थानमा पर्न सफल भएको छ । विश्वभरबाट ८ सय ३ करोड अमेरिकी डलर कमाइ गर्दै फिल्मले दोस्रो स्थान प्राप्त गरेको हो । ‘डाक्टर स्ट्रेन्ज : मल्टीभर्स अफ म्याड्नेस ’ले घरेलु बजारबाट २ सय ४२ करोड अमेरिकी डलर कमाएको हो भने विदेशी बजारमा ४ सय ६१ करोड कमाएको हो ।

पहिलो स्थानमा ‘स्पाइडरमेनस् नो अवे होम’ रहेको छ । यो फिल्मले १० अर्ब ८९ करोड डलर कमाइ गरेको थियो । महामारीको समयमा प्रदर्शन भएका फिल्ममध्ये यसअघि दोस्रो स्थानमा जेम्स बन्ड सिरिजको ‘नो टाइम टु डाई’ रहेको थियो । यो फिल्मले विश्वभरबाट ७ सय ७४ करोड कमाएको थियो ।