जुम्ला – जिल्लामा पहिलो पटक पत्रकार लेखन वृद्धि तथा महासंघमा योगदान पुर्याउने पत्रकार तथा कर्मचारीका लागि पुरस्कार कोष स्थापना गरिएको छ ।
नेपाल पत्रकार महासंघ शाखा जुम्लाका अध्यक्ष नेत्रबहादुर शाहीले आफ्नो ३९औँ जन्म दिनको अवसरमा लेखनमा योगदान पुर्याउने पत्रकार तथा कर्मचारीका लागि ११ हजार रुपैयाँ जम्मा गरी पुरस्कार कोष स्थापना गरेका हुन् । जन्मदिनमा केक काट्नु भन्दा केही रकम कोषमा जम्मा गर्न अन्य पत्रकारलाई पनि उनले अनुरोध गरेका छन् ।
अध्यक्ष शाहीले सो रकम बराबरको चेक नेपाल पत्रकार महासंघका सचिव मानदत्त रावललाई हस्तान्तरण गरेका छन् । सचिव रावलले रकम सानो भए पनि लेखन वृद्धिमा यसले महत्त्वपूर्ण योगदान खेल्ने बताए ।
प्रतिक्रिया