कास्की- कास्कीको पोखरा महानगरमा गठबन्धनबाट एकीकृत समाजवादीका उम्मेदवार धनराज आचार्यले ३ हजार बढी मतान्तरले अग्रता कायमै राखेका छन् ।
हालसम्मको मतपरिणाम अनुसार आचार्य २८ हजार ५६३ मतसहित प्रतिस्पर्धी भन्दा अघि छन् । उनका निकटतम प्रतिद्वन्दी एमालेका कृष्ण बहादुर थापाको मत २५ हजार ३ सय ५७ मत छ । उनी थापा भन्दा ३२०६ मतले अगाडि छन् । तेस्रो स्थानमा रहेका राप्रपाका शंकर खरालको भने जम्मा ३०६५ मत रहेको छ ।
पोखरामा उपप्रमुख पदमा भने एमालेले अग्रता लिइरहेको छ । उपप्रमुखमा एमालेकी मञ्जुदेवी गुरुङ २९ हजार २० मतसहित अग्रस्थानमा छिन् । उनकी प्रतिद्वन्दी कांग्रेसकी कोपिला रानाभाटले २८ हजार ९०० मतले उनलाई पछ्याइरहेकी छन् ।
प्रतिक्रिया