काठमाडौँ– फेसन सोबाट ग्ल्यामर क्षेत्रमा प्रवेश गरेकी स्मृति श्रेष्ठले म्युजिक भिडियोमा काम गरिरहेकी छिन् ।

तीन दर्जनको हाराहारीमा म्युजिक भिडियोमा अभिनय गरेकी ललितपुरको इमाडोलकी बासिन्दा हुन् । बाल्यकाल देखि नै नृत्यमा रुचि राख्ने स्मृतिले गरेका भिडियोहरूले नै उनलाई रजतपटमा परिचय दिएको हो ।

यद्यपि जुन शैलीमा यो क्षेत्रमा उदाउनु पर्ने हो, त्यो अनुसार आक्रामक बन्न भने सकेकी छैनन् । केही समयदेखि रंगीन दुनियाँमा रमाउँदै गरेकी यी मोडलले फोटोसुट भने प्रशस्तै गरेको पाइन्छ ।

उनी अब आफ्नो करिअरलाई फरक ढंगले अगाडि बढाउन चाहन्छिन् ।  स्लिम शरीर, मिलेको अनुहार र लोभलाग्दो हाइटका कारण स्मृति चाँडै नै यो क्षेत्रमा चम्किने सोच राख्छिन् ।

आफूमा अभिनय गर्न सक्छु भन्ने आत्मविश्वास भएको स्मृति फिल्ममा प्रवेश गर्ने यात्रामा छिन् । एक्सन र लभ स्टोरी देखाइने फिल्म रुचाउने स्मृतिले फिल्म तर्फको यात्रालाई कसरी अगाडि बढाउँछिन् ? त्यो भने हेर्न बाँकी छ । 

बाहिरी सुन्दरता झैँ अभिनयमा पनि सुन्दरता ल्याउन प्रयत्नशील स्मृतिले खबरहबका लागि फोटोसुट गराएकी छिन् ।