काठमाडौँ– सर्लाही जिल्लामा २० वटा स्थानीय तह छन् । यो नेपालकै सबै भन्दा बढी स्थानीय तह भएको जिल्ला हो ।

यसै जिल्लाको धनकौल गाउँपालिकामा नेपाली कांग्रेसका तर्फबाट अध्यक्ष पदका उम्मेदवार राम आश्रय शाह र उपाध्यक्ष पदका उम्मेदवार अकली सहनी विजयी भएकी छन् । विजयी शाहले अध्यक्ष पदका लागि ४ हजार ४ सय ७७ मत ल्याएका थिए । उनका निकटम् प्रतिद्वन्द्वी नेकपा माओवादी केन्द्रका अध्यक्ष पदका उम्मेदवार फकिरा महतोले ३ हजार ३ सय ७८ मत मात्र प्राप्त गरे । महतोलाई १ हजार ९९ मतले पछि पार्दै साह गाउँपालिकाको अध्यक्षमा निर्वाचित भएका हुन् । साह गाउँपालिकाको निवर्तमान अध्यक्ष समेत हुन् ।

गाउँपालिकाको उपाध्यक्षमा कांग्रेसकै अकली सहनी ४ हजार ५०४ मतका साथ विजयी भएकी छिन् । उनी पनि गाउँपालिकाको निवर्तमान उपाध्यक्ष हुन् । निकटम् प्रतिद्वन्दी माओवादी केन्द्रकी निलम देवी सहनीले तीन हजार २ सय २५ मत मात्रै प्राप्त गरिन् ।

सातवटा वडा रहेको धनकौल स्थित वडा नम्बर १, २, ४ र ७ मा कांग्रेसका, ५ र ६ मा माओवादी केन्द्र तथा ३ नम्बर वडामा नेकपा एमालेका वडाध्यक्ष विजयी भएका छन् । २ हजार ७४ सालको चुनावमा ३ वटा मात्र वडा जितेको कांग्रेसले यो पटक एउटा वड थप्दै ४ वटा पुर्याएको छ ।