काठमाडौं– लुम्बिनी विकास बैंकले शेयरधनीलाई ७ प्रतिशत बोनस दिने भएको छ । कम्पनीका प्रमुख कार्यकारी अधिकृत नरेश सिंह बोहराका अनुसार आइतबार बसेको ४९१ औँ सञ्चालक समितिको बैठकले चुक्ता पुँजीको ७ प्रतिशत बोनस दिने निर्णय भएको हो ।

कम्पनीले चुक्ता पुँजीको १४ करोड ७ लाख २५ हजार रुपैयाँ बराबर हुने ४ प्रतिशत नगद लाभांश र १० करोड ५५ लाख ४४ हजार रुपैयाँ बराबर हुने ३ प्रतिशत बोनस शेयर दिने भएको हो ।

उक्त बोनस पारित गर्ने कम्पनीले पुस २९ गते सोमबार बिहान साढे १० देखि अमृभोग, कालिकास्थान, काठमाडौंमा साधारणसभा गर्ने भएको छ ।

सभा प्रयोजनका लागि कम्पनीले पुस १९ गते एक दिनको लागि बुक क्लोग गर्ने भएको छ । पुस १८ गतेसम्म कायम रहेका शेयर धनीले मात्र कम्पनीले प्रस्ताव गरेको उक्त लाभांश पाउने छन् ।