काठमाडौँ – शंखरापुर नगरपालिकाको वडा नम्बर १ बाट नेकपा माओवादी केन्द्रका वेदनारायण दंगाल (बाबुराम) ६७४ मत ल्याएर विजयी भएका छन् ।
उनका निकटम प्रतिस्पर्धी नेकपा एकीकृत समाजवादीका दलबहादुर तामाङले ६ सय ६ मत ल्याएका छन् । त्यस्तै नेकपा एमालेका उम्मेदवार प्रकाश दंगालले ५५६ मत ल्याए।
सो वडामा चारै जना सदस्य नेकपा एकीकृत समाजवादीबाट निर्वाचित भएका छन् । जसमध्ये महिला सदस्यमा सुन्तली वाइवा, दलित महिला सदस्यमा सानुमाया कामी र खुला सदस्यमा भूमिप्रसाद दंगाल र रामकृष्ण ढुङ्गाना विजयी भएका हुन् ।
सो वडामा ३५६० मतदातामध्ये २७२० मत खसेको थियो ।
प्रतिक्रिया