काठमाडौं– काठमाडौं महानगरपालिकामा ४४ सय ५३ मत गणना हुँदा मेयर पदका स्वतन्त्र उम्मेदवार बालेन शाहले अग्रता बढाउँदै लगेका छन् ।
१५ सय ७५ मतसहित बालेनले अग्रता झण्डै दोब्बर पारेका छन्। बालेन भन्दा एमालेका केशब स्थापित र काँंग्रेसकी सिर्जना सिंह करीब आधा मतले पछाडि छन् ।
एमालेका उम्मेदवार केशव स्थापितले ९ सय ८५ मत पाएका छन् भने । नेपाली कांग्रेसका तर्फबाट मेयरकी उम्मेदवार सिर्जना सिंहले ८ सय २५ मत पाएकी छन् । बालेन दोब्बर मतले अगाडि हुँदा स्थापित र सिंहको भने प्रतिस्पर्धा देखिएको छ ।
उपप्रमुखमा एमालेकी सुनिता डंगोलले भारी मतका साथ अग्रता कायमै राखेकी छन् ।
प्रतिक्रिया