काठमाडौं– बाल्कन मुलुक सर्बियाले चीनबाट ‘गोप्य’ विमानभेदी क्षेप्यास्त्र प्राप्त गरेको छ । रुसले युक्रेनमाथि आक्रमण गरेसँगै पूर्वी युरोपमा तनाव बढिरहेका बेला सर्बियाली सेनाले चीनबाट अत्याधुनिक विमानभेदी क्षेप्यास्त्र प्रणाली आपूर्ति गरेको हो ।

फाइनान्सियल पोष्टका अनुसार चीनले सर्बियाको राजधानी बल्ग्रेडमा रहेको अन्तर्राष्ट्रिय विमानस्थलमा चीनबाट आएका ६ वटा कार्गो विमानले जमिनबाट आकाशमा मार हान्न सक्ने हतियार ल्याएका थिए । यद्यपि यसबारे सर्बियाली पक्षले कुनै टिप्पणी नगरेको जनाइएको छ ।

यसअघि पनि चीनले सर्बियालाई हतियार उपलब्ध गराउँदै आएको थियो । यसबाहेक चीनले टर्की र बुल्गेरियालाई पनि हतियार आपूर्ति गरेको बताइएको छ ।

नेटो सदस्य मुलुकहरु टर्की र बुल्गेरियालाई हतियार आपूर्ति गरेबाट चीनको अन्तर्राष्ट्रिय पहुँच बढ्दै गएको विश्लेषण गरिएको अन्तर्राष्ट्रिय सञ्चारमाध्यमले जनाएका छन् ।

सर्बियालाई चीनले हतियार आपूर्ति गरेबाट कोसोभोको सार्वभौमिकता बारे पश्चिमा मुलुकलाई चिन्तित तुल्याएको विश्लेषण गरिएको छ । हाल स्वशासित रुसमा शासन चलाइरहेको कोसोभोलाई सर्बियासँगै चीन र रुसले पनि स्वतन्त्र राज्यको मान्यता दिएका छैनन् ।

यसअघि सन् २०२० अमेरिकाले सर्बियालाई चिनियाँ विमानभेदी हतियार एचक्यू २२ खरिद नगर्न चेतावनी दिएको थियो ।