काठमाडौं – पुष्प खड्का र साम्राज्ञी राज्यलक्ष्मी शाहको शीर्ष भूमिका रहेको फिल्म ‘मारुनी’ मा समावेश ‘जाम न जाम’ बोलको गीत सार्वजनिक गरिएको छ । राजधानीमा मंगलवार एक कार्यक्रमको आयोजना गर्दै गीत सार्वजनिक गरियो ।  गीतमा चर्चित गायक दीपक बज्राचार्यले स्वर दिएका छन् ।

गायक बज्राचार्यकै संगीत रहेको यो गीतमा रिक्की शाक्यका शब्द छन् भने मोहित मुनालको एरेन्ज रहेको छ । यस्तै गीतमा प्रविण सिंहको कोरियोग्राफी रहेको छ । गीतको भिडियोमा सयौँ कोरसका साथ पुष्प खड्का र साम्राज्ञी शाहले क्लबमा नाचेका छन् । गीत लोकशैलीको छ ।

फिल्मको कुरा गर्नुपर्दा यो फिल्मलाई पुनम इन्टरटेनमेन्टको ब्यानरमा निर्माण गरिएको हो । फिल्मको निर्देशन नवल नेपालले गरेका हुन् भने फिल्ममा पुष्प र साम्राज्ञीका अलावा रेविका गुरुङ, आयुष प्रधान, अर्जुन श्रेष्ठ, शंकर सेडाई, विनोद भट्टराई लगायतका कलाकारको अभिनय रहेको छ ।

भदौ १३ गतेबाट प्रदर्शनमा आउने यो फिल्ममा मित्र डी गुरुङको सम्पादन, सञ्जय लामाको छायांकन, गोविन्द फुयाँल र नवल नेपालको लेखन रहेको छ । हेरौं गीतको भिडियो: