काठमाडौं– हिउँ चितुवाको संरक्षणमा महत्वपूर्ण भूमिका खेलेको भन्दै भारतीय संरक्षणविद् चारुदत्त मिश्रलाई प्रतिष्ठित ‘ह्वाइट्ली गोल्ड अवार्ड’ प्रदान गरिएको छ ।
बेलायती वन्यजन्तु संरक्षण कोष ह्वाइट्ली फण्ड फर नेचर डब्लूएफएनले मिश्रलाई पुरस्कार प्रदान गरेको हो ।
बेलायतको राजधानी लण्डनमा रहेको रोयल जियोग्राफिक सोसाइटीमा राजकुमारी एनले उनलाई पुरस्कार प्रदान गरेको हिन्दुस्तान टाइम्सले जनाएको छ । यसअघि सन् २००५ मा पनि मिश्रले यो पुरस्कार जितेका थिए ।
अफगानिस्तान, चीन, रुसजस्ता हिउँ चितुवा पाइने १२ वटा मुलुकमा वन्यजन्तु संरक्षणको क्षेत्रमा उनले काम गरेको डब्लूएफएनले जनाएको छ ।
प्रतिक्रिया