काठमाडौं – फिल्म ‘ए मेरो हजुर ३’ को टिजर सार्वजनिक भएको केही घण्टामै फ्यानले अनमोल केसीको तारिफ गरेका छन् ।

झण्डै १ मिनेट १३ सेकेन्ड लामो टिजरमा अनमोलको जोडी सुहाना थापासँग गाँसिएको छ । टिजर हेरेर अनमोलका फ्यानले उनलाई सपोर्ट गर्दै कैयन् कमेन्ट गरेका छन् ।

एक प्रयोगकर्ताले लेखेका छन्, ‘अनमोल केसी नम्बर वान ।’

यस्तै सविन निरौलाले कमेन्ट गरेका छन्, ‘अनमोल केसीको हरेक गीत, हरेक भिडियो, हरेक फिल्म नछुटाई हेर्ने म मात्रै हो? अनमोल केसी मन पराउने को को हुनुहुन्छ?’, त्यस्तै अर्का प्रयोगकर्ताले लेखेका छन्, ‘अनमोल र सुहानाको जोडी गज्जब होला जस्तो छ ।’

कतिपयले उनलाई मेगास्टार भनेरै सम्बोधन गरेका छन् ।

त्यसो त फिल्मको टिजरमा पनि अनमोल केसीलाई मेगास्टार भनेरै सम्बोधन गरिएको छ । उनलाई मेगास्टार भनेर सम्बोधन गरेपछि कतिपयले भने अनमोललाई फ्यानले मेगास्टार भनेपनि फिल्मकर्मीले केही फिल्म खेल्दैमा अनमोललाई मेगास्टारको उपाधि दिन नहुने धारणा राखेका छन् ।

नायिका रेखा थापाले यसअघि दुई/चार वटा फिल्म खेल्दैमा कुनै कलाकारलाई पनि मेगास्टार भन्न नहुने धारणा सार्वजनिक गरेकी थिइन् ।

फिल्मको टिजर: