काठमाडौँ– हलिउड सुपरहिरो फिल्म ‘द ब्याटम्यान’ को सिक्वेल बन्ने भएको छ ।
रोबर्ट प्याटिन्सन नै ब्याटम्यान भूमिकामा सिक्वेलमा देखिने सिक्वेललाई निर्देशक म्याट रिभ्सले नै लेखन र निर्देशन गर्नेछन् । कोरोना महामारीकालमा ‘स्पाइडरम्यान : नो वे होम’ पछि एउटै सप्ताहन्तमा एक सय मिलियन डलरको व्यापार गर्ने दोस्रो फिल्म पनि ‘द ब्याटम्यान’ बनेको थियो ।
सिनेमांकन समारोहमा निर्माण कम्पनी वार्नर ब्रोज र डीसीले सिक्वेल निर्माण हुने घोषणा गरेका हुन् ।
फिल्म रिलिज देखि नै चर्चामा रहेकोले यसले ७ सय ५९ मिलियन डलरको व्यापार गरेको हो । ‘द ब्याटम्यान’ हलिउडमा अहिलेसम्मको यस वर्षकै सर्वाधिक ग्रसर कलेक्सन गर्ने फिल्म बनेको भेराइटीले उल्लेख गरेको छ ।
प्रतिक्रिया