विराटनगर– सुनसरीको धरानमा देखा परेको डेंगु रोगका प्रभावितको उपचारका लागि १ नम्बर प्रदेश सरकारले ५० लाख रुपैयाँ विनियोजन गरेको छ ।

यस्तै, रोग फैलिन नदिन थप ३० लाख रुपैयाँ विनियोजना गरिएको प्रदेश नम्बर १ का मुख्यमन्त्री शेरधन राईले जानकारी दिए ।

डेंगुको प्रकोप बढ्दै गएपछि धरानको ८ र १५ नम्बर वडालाई डेंगु संकटग्रस्त क्षेत्र समेत घोषणा गरिएको छ ।

धरानमा अहिले करिक २ सय २० जना व्यक्ति डेंगुबाट प्रभावित रहेका जनाइएको छ । डेंगु रोग प्रभावितहरुको धरानमै रहेको बीपी कोइराला स्वास्थ्य विज्ञान प्रतिष्ठान र विजयपुर अस्पतालमा उपचार भइरहेको जनाएको छ ।

धरानमा डेंगुको प्रकोपट बढेपछि प्रदेश १ को सामाजिक विकास मन्त्रालयले स्थलगत अनुगमन गरेको थियो । मन्त्रालयको अनुगमन पछि डेंगु नियन्त्रणमा लागि थप प्रभावकारी कदम चालिएको प्रदेश सरकारले जनाएको छ ।