काठमाडौँ– अजय देवगण पछिल्लो समय एकपछि अर्को फिल्ममा व्यस्त छन् ।

 सिंघम स्टार अभिनेता विभिन्न क्याटेगोरीको फिल्म गरिरहेका छन् । बायोपिकसँगै सोसल इस्युको फिल्म गरिरहेका अजय ‘रन वे ३४’ को प्रमोशनमा व्यस्त छन् । दिल क्या करे, गंगाजल, अपहरण, राजनीति र सत्याग्रह जस्ता फिल्ममा अजयले काम गरेका अजयले पछिल्लो समय निर्देशक प्रकाश झासँग काम गरेका छैनन् । प्रकाशले केही समय अगाडि नै ‘अजय जनादेश’ बनाउने घोषणा गरेका थिए । नेपालमा समेत एक फिल्म फेस्टिभलमा सहभागी हुन आइपुगेका प्रकाशले आफूले नयाँ फिल्म ‘जनादेश’ बनाउन लागेको बताएका थिए । 

दामुल, परिणति, मृत्युदण्ड जस्ता फिल्म निर्देशक गरेर चर्चामा आइसकेका निर्देशक प्रकाश झासंग अजयले ‘दिल क्या करे’ मा पहिलो पटक सहकार्य गरेका थिए । त्यसपछि अजय र प्रकाशको यात्राले सत्याग्रहसम्म निरन्तरता पायो । केही समय यता यी दुईको बीचमा  राम्रो सम्बन्ध थिएनन् । खासगरी प्रकाशले गंगाजलको सिक्वेल बनाउँदा अजयलाई अभिनय गराउन खोजेका थिए तर अजयले कथा चित्त नबुझेको भन्दै अस्वीकार गरेपछि यी दुईको सम्बन्ध चिसिएको थियो । 

यद्यपि पछिल्लो समय प्रकाशले अजयसँग ‘जनादेश’ मा सहकार्य गर्न संकेत गरेका थिए । यद्यपि त्यसको सुरुवात अझै हुन सकेको छैन । विशेषत: निर्देशक झाले राजनीतिक परिवर्तनपछि समाज र व्यक्तिमा पर्ने असरमा फिल्म बनाउने गर्छन् । उनी अजयसँग  सहकार्य गर्न चाहन्छन् । तर, अजयले  समय नदिँदा जनादेशको काम  स्क्रिप्टमै रोकिएको छ  ।