काठमाडौं- इरानले अफगानिस्तानमा समावेशी सरकारका लागि आह्वान गरेको छ ।

इरानका विदेश मामिलामन्त्री होसेइन अमिर अब्दालाहियानले पूर्वी छिमेकी मुलुक अफगानिस्तानमा समावेशी सरकारका लागि आह्वान गरेको अफगानिस्तानको टेलिभिजन च्यानल टोलोले जनाएको छ ।

अफगानिस्तानमा हिंसात्मक समूहको सिकार हुँदै आएका शिया सम्प्रदायका हजाराहरु प्रति शिया मुलुक इरान बढि केन्द्रित रहने बताइन्छ ।

गत वर्षको अगष्ट महिनामा तालिबानले अफगानिस्तानको सत्ता कब्जा गरेयता हजाररा हरुलाई लक्षित गरी आक्रमणहरू हुँदै आएका छन् ।

मुलुकमा लडाइँ अन्त्य भएपनि हिंसात्मक गतिविधि भने नघटेको अन्तर्राष्ट्रिय सञ्चारमाध्यमले जनाएका छन् ।

यद्यपि अल्पसंख्यकहरुको सुरक्षाका विषयमा तालिबानले उदासिनता देखाएको आरोप लाग्दै आएको छ ।