काठमाडौं- शहीद स्मारक सी डिभिजन लिगमा मनोहरा युनाइटेड क्लब र स्वयम्भू क्लबले बराबरी खेलेका छन् ।
ललितपुरको सातदोबाटोस्थित एन्फा कम्प्लेक्समा सोमबार दिउँसो भएको खेलमा मनोहरा र स्वयम्भू बीचको खेल १–१ गोलको बराबरीमा सकिएको हो ।
खेलको पहिलो हाफ गोलरहित बराबरीमा सकिएको थियो । खेलको ४८ औँ मिनेटमा अनिश महर्जनको गोलले स्वयम्भूले अग्रता लियो ।
तर, निरन्तर आक्रमण गरेको मनोहरा खेलमा पुनरागमन गर्न सफल भयो । मनोहराका लागि सृजन बलम्पाकी मगरले खेलको ८४ औँ मिनेटमा गोल फर्काए ।
खेलको बाँकी समयमा अर्को गोल हुन सकेन ।
आजै हुने अर्को खेलमा आरसी ३२ फुटबल एकेडेमी र वीरगञ्ज युथ एकेडेमी दिउँसो ४ बजे भिड्नेछन् ।
प्रतिक्रिया