दाङ– दाङको लमहीस्थित एक मस्जिदमा दुई पक्षबीच झडप भएको छ ।

लमहीस्थित सुनन्त फैजाने रजा मस्जिदमा झपड भएको हो । झपडका क्रममा पाँच जना घाइते भएको जिल्ला प्रहरी कार्यालयले जनाएको छ ।

नवाज पढिरहेका बेला मस्जिदकै अर्को समूह आएर वर्तमान अध्यक्षले राजीनामा दिनुपर्ने अडान राखेको थियो । तर, अध्यक्ष राजीनामा नदिने अडान लिएपछि झडप भएको जिल्ला प्रहरी कार्यालय दाङका प्रहरी प्रमुख एसपी सुरेशप्रसाद काफ्लेले जानकारी दिए ।

‘मौलानाहरूबीच नै सामान्य विवाद भएको हो । यसअघिका अध्यक्षको समूहले वर्तमान अध्यक्षले राजीनामा दिनुपर्छ भन्दै आएका थिए । त्यही बेला विवाद उत्कर्षमा पुगेर सामान्य झडप भएको हो,’ एसपी काफ्लेले बताए ।

दाङमा प्राथमिक उपचारपछि घाइतेहरू आ-आफैँ उपचार गराउने भनेर बुटवलतिर गएको उनले बताए । अहिले अवस्थामा सामान्य भइसकेको उनको भनाइ छ ।