काठमाडौँ – जर्मन महारथी क्लब बायर्न म्युनिख स्पेनिस क्लब भिल्लारियलसँग बराबरीमा रोकिएको छ।

च्याम्पियन्स लिग फुटबल प्रतियोगिता अन्तर्गत मंगलबार राति भएको क्वार्टर फाइनलको दोस्रो लेगमा १–१ गोलको बराबरी खेल्दै बायर्न प्रतियोगिताबाटै बाहिरिएको छ ।

रोबर्ट लेवास्डोस्कीले गोल गर्दै बायर्नलाई प्रतियोगितामा अघि बढाउने कोसिस गरे पनि  भिल्ला रियलका स्यामुअल चुक्केजेले बराबरी गोल फर्काएसँगै बायर्न स्तब्ध भएको हो।

पहिलो लेगको खेलमा भिल्ला रियलले घरेलु मैदानमा १–० को अग्रता लिएको थियो । स्पेनिस क्लब  भिल्लारियल समग्रमा २–१ को नतिजासहित सेमिफाइनल प्रवेश गर्‍यो ।

१६ वर्षमा पहिलो पटक भिल्लारियल च्याम्पियन्स लिग फुटबलको सेमिफाइनल पुगेको हो । अन्तिम चारको खेलमा उसले बेन्फिका र लिभरपुलबीचको विजेतासँग खेल्नेछ ।