काठमाडौँ– निर्माणधीन ‘फास्ट एन्ड फ्युरियस’ को दसौँ शृङ्खलामा ब्रि लार्सनको प्रवेश भएको छ ।

निर्मातासमेत रहेका अभिनेता भिन डिजेलले शनिबार फिल्ममा ब्रिको प्रवेश भएको जानकारी सामाजिक सञ्जाल मार्फत गराएका हुन् । यसअघि मार्भल स्टुडियो निर्मित फिल्महरुमा ‘क्याप्टन मार्भल’ को भूमिका निर्वाह गर्दै आएकी ब्रि यसमा देखिने भूमिका बारे बताइएको छैन ।

उनलाई मार्भलका फ्यानहरुले क्याप्टन मार्भलु भनेर चिन्ने गरेका छन् ।

फिल्ममा ब्रिबाहेक जोसन ममुवा पनि नयाँ अनुहार हुने छन् । पछिल्ला केही फिल्मको हिस्सा रहेका रकले भिन डिजेलसँग काम गर्न अस्वीकार गरेपछि भिनले उनको ठाउँमा जोसनलाई ल्याएका थिए । जस्टिन लिनले निर्देशन गर्ने यो फिल्ममा बाँकी कलाकार अघिल्लो शृङ्खलाकै रहनेछन् । दसौँ र एघारौँ भाग पछि यो शृङ्खलाको अन्त्य हुने जनाइएको छ । आउँदो वर्षको मे १९ मा रिलिज हुने फिल्मको सुटिङ अझै सुरु भएको छैन ।