काठमाडौं– रुसले त्यहाँ कार्यरत १५ विदेशी संस्थाका कार्यालय बन्द गरिदिएको छ ।

रुसको राजधानी मस्कोबाट प्रकाशित हुने मस्को टाइम्सको अनलाइन संस्करणले जनाएअनुसार रुसले ह्युमन राइट्स वाच, एम्नेष्टी इन्टरनेशनल, कार्नेगी एन्डोमेन्ट फर इन्टरनेसनल पिस, फ्रेडरिक नौमन फाउन्डेसन फर फ्रिडम, फ्रेडरिक एबर्ट फाउन्डेसन, आगा खान फाउन्डेसन, स्पोल्नोटा पोल्स्का एसोसिएसन लगायत १५ अन्तर्राष्ट्रिय संस्थाहरूको स्थानीय कार्यालयहरू बन्द गरेको हो ।

रुसमा ती संस्थाको दर्ता समेत खारेज गरेको बताइएको छ । रुसी न्याय मन्त्रालयले ‘रुसी महासंघमा कायम ऐन अनुसार’ ती संस्थाहरु बन्द गरिएको जनाएको छ ।

रुसमा बन्द गरिएका अन्तर्राष्ट्रिय संस्थाहरूमा ९ जर्मन, तीन अमेरिकी र बेलायत, पोल्याण्ड र स्विट्जरल्याण्डका एक एक संस्था रहेको अन्तर्राष्ट्रिय समाचार संस्था रोयटर्सले जनाएको छ ।