काठमाडौं- युक्रेनमाथि आक्रमण गरिरहेको रुसी फौजले राजधानी किभ आसपासबाट पछि हट्ने कार्य सम्पन्न गरेको अमेरिकी अधिकारीले जनाएका छन् ।

नाम नबताउने सर्तमा वरिष्ठ अमेरिकी सुरक्षा अधिकारीले अल जजीरालाई बताएअनुसार किभ आसपासबाट पछि हटेसँगै रुसी सेनाले पुनः आक्रमण गर्न पुनर्ताजगी र बन्दोबस्तीको सामानको आपूर्तिको काम गरिरहेको छ ।

रुसले अब आफ्नो फौजको आक्रमण पूर्वी युक्रेनको डोनबास क्षेत्रमा केन्द्रित हुने बताइसकेको छ । ‘रुसी फौजले के के छाडेर गएछन् भनेर हामी हेरिरहेका छौँ ।’ ती अधिकारीले भने ।

रुसी फौज किभ आसपासबाट पछि हटेपनि किभमाथि रुसी आक्रमणको जोखिम भने उत्तिकै रहेको उनको भनाइ छ । ‘अहिलेका लागि किभमा जमिनबाट सैनिक कारवाहीको जोखिम छैन । तर उनीहरूको दीर्घकालीन लक्ष्य के हो त्यो पनि स्पष्ट छैन ।’ उनले भने ।