काठमाडौँ – एनएमबि बैंकले किसान तथा सर्वसाधारण सेवाग्राहीलाई सहजताका लागि सिरहा नरहास्थित हिमालयसुगर मिल्स परिसरमा ११ औँ विस्तारित काउण्टरको शुभारम्भ गरेको छ ।

हिमालयसुगर मिल्सको तर्फबाट महा–प्रबन्धक अवधकिशोर यादव र एसएन कुशवाहा, एनएमबि बैंकका मधेश प्रदेश प्रमुख कमल पोखरेलका साथै एरिया म्यानेजरहरू मिथिलेसकुमार झा, कमलेशप्रसाद यादव, अपरेशन म्यानेजर राजकुमार विश्वकर्मा, गोलबजार शाखाका प्रबंधक सरोज यादव, कर्मचारी संजीव झालगायतको उपस्थितिमा भएको कार्यक्रममा काउण्टरको उद्घाटन भएको हो ।

उक्त काउन्टरको स्थापनापूर्व नै बैंकले कृषि तथा उत्पादनशील क्षेत्रलाई प्राथमिकतामा राख्दै गोलबजार शाखाबाट हालसम्म ४७ जना उखु किसानलाई सहुलियतपूर्ण कर्जा उपलब्ध गराइसकेको छ ।

बैंकले उखु किसानलाई सहज रूपमा कर्जा प्रवाह गर्ने उद्देश्यले रिलायन्स सुगर मिल्स र हिमालय सुगर मिल्ससँग सम्झौता पनि गरिसकेको छ ।

एनएमबि बैंकले यसलगायत हाल देशभरि ११ एक्सटेन्सन काउन्टर, २०१ शाखा र १३९ एटीएममार्फत सेवा प्रदान गर्दै आइरहेको छ