दोहा – कतारमा गम्भीर संक्रमणको उच्च जोखिममा रहेका व्यक्तिहरूलाई कोभिड-१९ खोपको चौथो डोज दिइने भएको छ । चौथो डोज बुस्टर डोज (तेस्रो डोज) वा कोभिड-१९ संक्रमण भएको चार महिनापछि दिइन्छ।

स्वास्थ्य मन्त्रालयले ६० वर्ष वा सोभन्दा माथिका व्यक्तिहरूलाई फाइजर/बायोटेक र मोडेर्नाको चौँथो डोज प्रयोग गर्न स्वीकृत गरेको जनाएको छ ।

मन्त्रालयले स्थानीय र अन्तर्राष्ट्रिय क्लिनिकल प्रमाणका आधारमा यी व्यक्तिहरूलाई गम्भीर, लामो रोगको जोखिममा रहेको, चौथो डोजबाट लाभान्वित हुने र कोभिड-१९ विरुद्धको रोग प्रतिरोधात्मक क्षमता र सुरक्षा बढाउने बताएको छ।

एस्प्लेनिया र क्रोनिक मिर्गौला रोग छ खोपको चौथो डोजका लागि योग्य व्यक्तिहरूलाई प्राथमिक स्वास्थ्य सेवा निगम वा हमाद मेडिकल कर्पोरेशनमा उनीहरूको विशेषज्ञ हेरचाह टोलीको सदस्यद्वारा खोपको भेटघाटको समय तालिका बनाउन सिधै सम्पर्क गरिने जनाएको छ ।

खोप लगाउन योग्य व्यक्तिहरूले ४०२७७०७७ मा वा पीएचसीसीको हटलाइनमा सम्पर्क गर्न सकिने जनाइएको छ । विश्वका धेरै देशहरूले आफ्नो देशमा चौथो डोज प्रदान गरिरहेको मन्त्रालयले जनाएको छ ।