काठमाडौं– युरोपेली युनियन ईयूले अफगानिस्तानको तालिबान सरकारले महिलालाई विद्यालय जानबाट बञ्चित गरेको भन्दै निन्दा गरेको छ । ईयू परिषद्ले विज्ञप्ति जारी गर्दै तत्काल महिलालाई विद्यालय जाने वातावरण बनाउन समेत तालिबानसमक्ष माग गरेको छ ।

‘अनिश्चितकाल सम्मका लागि दश लाख भन्दा धेरै महिला र बालिकालाई माध्यमिक तहको शिक्षाबाट बञ्चित गर्ने तालिबानको निर्णयको अन्तर्राष्ट्रिय साझेदारहरुका साथ युरोपेली युनियन र यसका सदस्य राष्ट्रहरु निन्दा गर्दछन् ।’ विज्ञप्तिमा जनाइएको छ, ‘यो सबै बालबालिकाले शिक्षा प्राप्त गर्ने नैसर्गिक अधिकारको उल्लङ्घन हो, यसले अफगानिस्तानले हस्ताक्षार गरेका मानव अधिकारको सर्वव्यापी घोषणापत्र एवम् धेरै मानव अधिकारका सन्धिहरुको उल्लङ्घन गर्छ ।’

तालिबानले गत बुधबारदेखि महिलालाई विद्यालय जान खुला गर्ने बताइएको थियो । तर कार्यान्वयन हुनु केही घण्टा अघिमात्रै उक्त निर्णय अर्को सूचना जारी नभएसम्मका लागि रद्द गरिएको तालिबानले जनाएको थियो ।

त्यसयता क्यानाडा, इटाली, फ्रान्स, नर्वे, अमेरिका, बेलायतजस्ता मुलुकले तालिबानको निन्दा गरिसकेका छन्