दोहा – नेपाल-कुवेतबीच कूटनीतिक सम्बन्ध स्थापनाको भएको ५०औँ वार्षिकोत्सवको सन्दर्भमा नेपाली दूतावास, कुवेतले स्थानीय नेपाली समुदाय समेतको सहयोगमा कुवेतको सेन्ट्रल ब्लड बैंक, जाब्रियामा रक्तदान कार्यक्रम सम्पन्न गरेको छ ।

कुवेतको लागि नेपाली राजदूत दुर्गाप्रसाद भण्डारी तथा कुवेत सरकार स्वास्थ्य र परराष्ट्र मन्त्रालयका सहभागि अतिथिहरूले संयुक्त रूपमा रिवन काटी कार्यक्रमको उद्घाटन गरेका थिए ।

उद्घाटन समारोहलाई संवोधन गर्दै राजदूत भण्डारीले सन् १९७२ मा नेपाल र कुवेतबीच कूटनीतिक सम्बन्ध स्थापना भएपश्चात दुई देशबीच आपसी मित्रता र सहयोगका क्षेत्रमा भएको विकासबारे उल्लेख गरेका थिए ।

रक्तदानमा कुवेतमा रहेका नेपाली समुदाय स्वतःस्फूर्त रूपमा सहभागी भएका थिए ।