काठमाडौँ– पछिल्लो केही समय यता अभिनेता राजेश हमाल म्युजिक भिडियोमा बाक्लै देखिन थालेका छन् ।

फिल्ममा केही समयदेखि नदेखिएका अभिनेता हमाल अभिनीत पछिल्लो भिडियो ‘विरानो सहरमा’ सार्वजनिक गरिएको छ । गजलकार शान्ति शर्माले कोरेको शब्दमा गायक स्वरूपराज आचार्यको सुमधुर आवाज रहेको गीतमा वरिष्ठ सङ्गीतकार दीपक जङ्गमको लय सिर्जना रहेको छ ।

गीतमा देवेन्द्र नेवाको सङ्गीत संयोजन र प्रकाश मिश्रले गीतको मिक्सिङ्ग तथा मास्टरिङ्ग गरेका छन् ।
प्रेम, मिलन र बिछोडका विषयवस्तुलाई कलात्मक रूपमा उतारिएको भिडियोलाई निशान घिमिरेले निर्देशन गरेका हुन् ।

भिडियोमा राजेश हमाल,  शान्ति शर्मा, सुशीला थापा, रोहित बस्नेत र नारायण अधिकारीको अभिनय रहेको छ । मुकेश हुमागाईँले खिचेको भिडियोलाई निर्देशक स्वयम्‌ले सम्पादन गरेका छन् ।