काठमाडौं– गत वर्ष नोबेल शान्ति पुरस्कार पाएका रुसी पत्रकार दिमित्री मुरातोभले युक्रेनी शरणार्थीका लागि सहयोग जुटाउन पदक लिलामी गर्ने घोषणा गरेका छन् ।

उनले पदक लिलामीको सम्भावनाका लागि लिलामघर पनि खोजिरहेको समाचार संस्था एपीले जनाएको छ ।

नोभाया गजेटा अखबारमा लेख छाप्दै उनले मानिसहरुलाई ‘शरणार्थी, घाइते र बालबालिकासँग आवश्यक वस्तुहरु बाँड्न’ समेत आह्वान गरेको बताइएको छ ।

गत वर्ष नोबेल शान्ति पुरस्कार जितेका उनले पुरस्कारस्वरुप प्राप्त नगद रुसमा स्वतन्त्र मिडियाको प्रोत्साहनका लागि र स्वास्थ्य समस्या भएका मानिसहरुका लागि खर्च गर्ने घोषणा गरेका थिए ।

नोभाया गजेटा अखबारका सम्पादक समेत रहेका उनलाई गत वर्ष फिलिपिन्सकी अर्की पत्रकार मारिया रेसासँगै संयुक्त रुपमा नोबेल शान्ति पुरस्कार प्रदान गरिएको थियो ।